أبليس الدغيدي ..!!

السلام عليكم ورحمه الله وبركاته


اعوذ بالله..







الست هانم بتقدم برنامج كان رمضان، البرنامج اسمو الجريئة، البرنامج منحط لدرجة غبية جدا

الهانم تركيزها الاساسى ع الجنس والعلاقات وأن الحجاب ده مش فرض والشيوخ دول متخلفين


يعنى قناة النيل مش تتنيل على عينها وتجيب لينا حاجة تنفعنا اى حاجة ان شاء الله حتى برامج هايفه للاطفال، لكن الست نوسة فى رمضان

وطبعا فرصتك يا معلم تعلمى الناس قلة الادب وتعلمى البنات انهم يعيشوا تجارب الحب بكل تفاصيلها مع حبيبك، مش مع جوزك يعنى مفيش مانع تتباسى وتحضنى وتنامى كمان، هو ده مفهوم الحب عند الست ابليس الدغيدى

حلقة استاضفت فيها خالد ابو النجا

وسالتو انتا ممكن تجوز واحدة انتا غلطت معاها، ولو عملت برنامج فى امريكا هتختار موضوع جنسى ايه تكلم فيه

بجد بجد بجد انا مشوفتش وقاحة كدة

يعنى تلفزيون النيل اللى هو التلفزيون المصرى الحاجة الوحيدة اللى الواحد بيبقى متأكد أنهم مش هيعرضو أى حاجة عيب، جايبين لنا الشيخة نوسة فى رمضان

بلا وكسة ودى مش اى وكسة دى برز ولحمة كمان

كل تركيزها فى الأسئلة، أنتى فى حياتك راجل، تقدرى تعيشى من غير راجل، مش قصدى الزوج أنما الصاحب

ياحلولى عينى منو يا خرابى

حلقة زينة

قالت لها انتى ليه مش بتتباسى

ردت البت وقالت لها ان جسدها ده مش ملك لاى حد، قامت الخالة نوسة نصحتها بأنها لازم تعيش تجربة الحب بكل التفاصيل وتسيب عواطفها ومشاعرها تنطلق


ابرى يا براية

وقالت لها ان التمثيل ده مهنة لازم تجربى فيها كل حاجة وان برتنى سبيرس وانجلينا موصلوش للنجومية غير بالمشاهد دى، عشان هيا دى اللى بتوصل للنجومية

بتفضل تلف وتدور طول الحلقة على نفس الموضوع

والست الشيخة ليها تصريح حلو اوى يا رجالة، بتقول ليه البلد متديش تصريح للدعارة

بمعنى ايه بقى

انها واقع ملموس منقدرش نهرب منه، ليه ميبقاش عادى وموجود، يعنى انا لابسة بدلة رقص وفى بيت دعارة

ربنا يخدك

يعنى يبقى فيه مكان مخصوص انك تروح تسيكو سيكو وعادى جدا أنت راجل محترم تخلص الشغلانة وتخرج باشا ولا حد يقدر يعملك حاجة

تستضيف شهيرة

قصدى الشيخة شهيرة اللى طالعة معاها ومخرجة اوصة من الطرحة

والخالة نوسة تقولها اذا كان الشيوخ قالو ارضاع الكبير يبقا ازاى نسمع ليهم

دول فيما معناه مش فاهمين حاجة يبقى الواحد مفروض ميسمعهمش

عمرو خالد ده ايه، مش بيعجبنى، مبسوط بلمة الناس حوليه .

وانتى مال اهلك يا وليه ماتترزعى فى حتة

وأن البنات بتروح عشان تتفرج على لبس عمرو خالد وقميصو وبنطلونو

عايز أقول حتة كلمة سافلة بس مش قادر

ممكن نشوفك لابسه حجاب

يارب ماتكتبو عليا

وانتى ياروح امك تطولى أصلا شرف انك تلبسى حجاب، ولا فاهمة يعنى ايه حجاب

طالعه كل حلقة يا اما بير السلم باين، يا اما المنور باين، حاجة قرف يعنى

وكل محاولاتها فى البرنامج

انها لو شافت حد بيكلم فى الدين تحاول تبعدو عن الموضوع، عشان طبعا عايزة كل الناس منحلة وفاكة زيها

ولو لقت حد مش مقتنع بالجنس تقولو ليه ده جميل، و أحلي حاجة


حسبى الله ونعم الوكيل