ياترى قابلتها ازاى

سلام عليكم
الموضوع باين من اوله قصدى من عنوانه
ياترى قابلتها ازاى
قابلتها فى كليتك وانت قاعد وبدور بملل على حاجة تنتشلك من الملل دة
ولا قابلتها وانت ماشى فى الشارع وشوفتها ماشية حطة وشها فى الارض احتراما وفجاة رفعت عنيها والصدفة جمعت بين عينيكو الاتنين نزلت وشها بسرعة ومشيت وهيا مكسوفة وانت بصيت وراك وبعدين بصيت ادامك ومشيت وفى ابتسامة صغيرة على وشك
ياترى قابلتها وانت مروح البيت بعد شغل كتير وتعب واجهاد واول ما شوفتها عالسلم ابتسمتلها وهيا ابتسمتلك ونزلت لكنك كنت هتوقفها تعترفلها بحاجة ساكنة فى قلبك نفسك تقولها وتريح نفسك بس شعورك بالخوف انها ترفض اعترفك وقفك
ياترى قابلتها وانت داخل من باب شقتك ولقتها بتقولك وبكل حنية حبيبى انت جيت دخلت واتعشيت وقعدت ادام التليفزيون وهيا فى حضنك نايمه وانت بتمسح على شعرها وتايهين فى احلامكم بتحلمو ببعض حتى وانتو جمب بعض
ياترى عرفت مين هيا
.
.
.
مش اللى فى بالك...ابدا
...
قولى عرفت ولا لسه.
لسه
خلاص هطر اقولك.
.
.
قهوتنا ايوا قهوتنا
فى مننا فاكر يوم مااقبل القهوة زى اليوم اللى قابل فيه حبيبته ووقع فى شباك الغرام
وفيه مننا فاكرينه كأنه حصل امبارح
وفيه مننا فاكرينه زى يوم ارتباطه بحبيب قلبه سواء بقى ان كان خطوبة ولا جواز
وفيه مننا فاكره زى اول يوم دراسة ليه السنة دى
وفيه مننا ايضا فاكرينه زى اول يوم قابل فيه صاحبه المخلص
وفيه مننا كمان فاكرينه زى يوم رجوع جدته من الحج ولا رجوع ولده من السفر
وفيه مننا فاكرينه زى يوم ولدته
طبعا محدش فاكر يوم ولدته..لكن انا فاكره
سألت أمى الله يمسيها بالخير وجميع الامهات ايضا الله يمسيهم بالخير
قالتلى اول ماجيتى كانت صرخت مدوية فى البيت
هوا دة اللى اعرفه عن يوم ولدتى
فى كمان مننا اللى نسى اليوم دة
اليوم اللى اتعرف بيه على القهوة وسجل فيها
.
.
.
ياترى فاكر اليوم دة اليوم اللى اتعرفت فيه على القهوة وقابلتها
طيب ياترى اتعرفت وقلبلتها ازاى
وسجلت عشان خاطر ايه شدك ليها
احكونا بقى