موافق نذيييع ؟؟!!!!!!!!!!!!!!!

السلام عليكم ورحمة الله وبركاته


ازيكوا يا جدعان عاملين ايه
يا رب تكونوا تمام وبخير


الحقيقة
انا جمعتكم النهارده
عشان مش فاضية بكره



احم احم
خلاص خلاص
سامعة واحد بيقول انجززي يا خفه
اوكي يا عم الامور
متزووقش يا عم الكتكوت



نخش ف الموضوووووع ع طوووول


موضوعي بقى يا جماعة عن البرامج الظريفة واللطيفة
الرخمة
اللى تختق
بتاعة الاشتغالات
او الكاميرا الخفية
بجد يعني فى برامج الاشتغالات دي
حيلهم بينهم مثلا ده
يقعدوا يستفزوا فى الناس يستفزوا فيهم
ويخرجوهم عن شعورهم بمنتهي السخافة
والكارثة كمان ان هما ساعات يجيبوا ناس كبار
فى السن يعني
يعني مرة شوفتهم جايبين سعيد صالح
يا جدعان يعني
طب والنبي ده ممكن ضغطه يعلي يوطي
يحصل اى حوار مش تمام ويموت عندكوا
يخربيت الدمااااااااغ
وحتي لو كان مع ناس شباب
بجد بتبقى حاجة فى منتهي السخافة
يقعدوا يطلعوا تربتينهم
وفى الاخر يقولك
اهي اهي اهي
احنا كنا بنهزر معاكاهي اهي اضحكوا اضحكوا والنبي لتضحكوا
تحب نذيييع
ولا مش نذيييع
حاجة تحرق الدم بصراحة
وياريت مثلا ان هما كده بيضحكونا
والمفروض ان احنا نضحك وكده
والله انا كنت بقعد اتفرج عليهم واخويا يقولي ها ها ها اضحكي اضحكي
كنت بحس اني هتشل او هيجيلي نقطة من كمية الاستظراف
الرهييبة
المريبة
باين حد غشهم وقالهم دمكوا خفيف استمروا استمرو واعملوا الجزء التاني
ما هو اكيد الطيور على اشكالها تقع اكيد ناس دمهم خفيف برده اللى قالولهم كده

يلا
مش مهم احنا مرارتنا تتفقع
ولا برامج الكاميرا الخفية بقى
لأ دي بقى بجد
اووووووووف
اوعي وشك يا موعلم
يخلوا البني ادم هيتشل حرق دم ×حرق دم
وفى الاخر الناس بتقول ذييع
وربنا بحس انهم مش في وعيهم من اثر الصدمة مش قادرين ياخدوا قرار سليم
لان بجد ساعات ناس بتطلع بتتهزأ بتتهزأ يعني
قمة فى السخافة


انتوا ايه رأيكوا يا جماعة فى البرامج دي
انا بس عايزة اعرف انتوا زيي ولا انا بس اللى كده

وان كنتوا زيي
يبقى لازم نحتج
انا اناشد بثورة ضد البرامج السخيفة دي
ههههههههههههههههههههههه

وشعارنا هيكون (ارحموووووووووووووووووونا)

لازم بجد يحسوا شوية ان السخافة دي كتيييير بجد
وع فكرة انا بشوف البرامج اللى زيها بس الاجنبي

دمهم خفيف جدا وبيضحكوا الناس ويهزروا معاهم كده من غير حرق دم ولا فقع مرارة