لو سألتك أنت مصرى تقولى أيه ؟؟؟

طبعاً عارفين أغنية العسوله نانسي عجرم


لو سألتك أنت مصرى تقولى أيه ؟؟

تقولى مصرى وأبن مصرى وكل مصرى الله عليه
قولها بأعلى صوت وأرفع راسك لفوق


بس مش هو ده موضوعى
الموضوع أنى كنت بشوف أمبارح قناة النيل الثقافيه وشوفت ريبورتاج بيقدمه جمال الشاعر مع مجوعة ناس مش عارفه هما مين بس سألهم سؤال بيقولهم (عمر الشريف بيقول على المصريين أنه بيحبهم .. بيحبهم بكسلهم بكدبهم بـ ... بـ ... بـ .. )



هما أعترضوا على المقوله دى
وقالوا إزاى وكل واحد أخدته الجلاله ودافع عن البلد وأتحمق أوى
طب لما أنت أتحمقت أوى كده عملت أيه لمصر ؟؟؟
بنسأل نفسنا السؤال ده لما بندافع عن بلدنا ونحب نظهر بلدنا بصوره حلوه
بدل ما نقعد نتكلم ونعترض وناخد الجانب السىء من أى موضوع ونشبط فيه ونسيب الموضوع الأساسي تعالوا نفكر من زاويه تانيه
زاوية أن ليه الفنان العالمى عمر الشريف قال كده على البلد دى
ليه قال إن أحنا كسلانين
طب ما أحنا فعلاً كسلانين
عارفين كسلانين ليه ؟؟
تعالوا نقول سوا ونفكر بصوت عالى




كسلانين لأننا مش عايزين نتقدم .. مصر فى الإحصائيات ثالث دوله على مستوى العالم فى الإصابه بأنفلونزا الطيور !!!!
ليه مايبقاش ترتيبنا الأخير أو ما نتحطش فى الترتيب خالص
عرفتوا بقى ليه كسلانين




ليه فى قضية رأى عام زى قضية هبه العقاد ونادين رغم إن كل الأدله متناقضه بالرغم من ذلك يتحول الشاب الغلبان اللى الرأى العام كله متأكد أنه برىء إلى فضيلة المفتى فى أنتظار حكم الإعدام !!!




عرفتوا ليه كسلانين
ليه مصر لحد دلوقتى ما أخدتش كأس العالم ؟؟
ماعنداش محترفيين بالعكس عندنا محترفين بيلعبوا فى أشهر أنديه وبيتباعوا بأغلى الأسعار
عرفتوا بقى ليه كسلانين




ليه فى قضية سرقة لوحات من قصر محمد على لوحه واحده منهم بس تساوى دخل قناة السويس فى سنه نكتم ومانقلش الحقيقه ولما الحقيقه تظهر بالصدفه الباحته جداً البوليس المصرى بنزاهته قدر يسيطر على الوضع !!!
عرفتوا ليه أحنا كذابين




ياجماعه تعالوا نغير أسلوب تفكيرنا وبدل ما يبقى حبنا لبلدنا زعيق وخناق مع اللى يجيب سيرة مصر بالغلط
يبقى فى شغل ومجهود بجد وحقيقى مش كلام وبس
وياريت لو نفتكر المثل الشعبى الشهير


من فات قديمه تاه


بصوا للى فات
مش هنقول زمان قوى
لأ خلينا فى القريب قوى
خلينا فى 27 سنه فاتوا
تحرير سيناء
وتحرير طابا
عارفين طابا أتحررت على أيه
على كيلو متر مربع كان فى الأسر
يعنى المصريين اللى قبلنا أهالينا يعنى رفضوا أن يبقى كيلوا متر واحد من أرض مصر بتخطى عليه رجل مش رجلنا وبتحط أيديها عليه أيد مش أيدينا
أحنا بقى عملنا أيه
بلاش عملنا أيه
نقول
ناويين نعمل أيه
علشان لو سألتك أنت مصرى تقولى أيه ؟؟؟
وهقولكم آخر الأغنيه الدعاء بتاع نانسي




يارب خليها .. مصر
يارب تحميها .. مصر
أنصرها عليها .. وأحميها من كل شر